Një 50-vjeçar është arrestuar në Vlorë, pasi nuk ka kallëzuar plagosjen e djeshme.
Mësohet se shtetasi me iniciale S.J., ka qenë i pranishëm në momentin kur shtetasi A. M., 33 vjeç plagosi me thikë, shtetasin G. S., 52 vjeç, i cili ndodhet në spital.
Njoftimi i policisë:
Nga specialistët për Hetimin e Krimeve të Komisariatit të Policisë Vlorë, në vijim të veprimeve për ngjarjen e ndodhur ditën e djeshme, për të cilën u vu në pranga nga Policia, shtetasi A. M., 33 vjeç, i cili pas një konflikti për motive të dobëta, plagosi me mjet prerës (thikë), shtetasin G. S., 52 vjeç, i cili ndodhet në spital, u bë edhe arrestimi i shtetasit S. J., 50 vjeç, pasi ka rezultuar se ka qenë në vendin e ngjarjes dhe nuk ka kallëzuar krimin.
Nga specialistët për Hetimin e Krimeve të Komisariatit të Policisë Sarandë, në bashkëpunim me shërbimet e DVP Dibër, u bë kapja dhe ndalimi i shtetasit Bilall Islami, 30 vjeç, banues në Peshkopi, pasi Gjykata e Shkallës së Parë Sarandë e ka dënuar me 20 ditë burg, për veprën penale “Kalimi i paligjshëm i kufirit shtetëror”.
Materialet iu referuan Prokurorisë, për veprime të mëtejshme.
